Día Internacional dos Museos 2014 #DIM2014

 Este ano 2014 o Día Internacional dos Museos (18 de maio) ten como lema: "Museos: as coleccións crean conexións", nos meses de maio e xuño o Museo Etnolóxico establecerá conexión entre o alumnado, o profesorado e a colección fotográfica do Museo a través de obradoiros utilizando o material elaborado pola área de didáctica: "Escribimos coa luz" que se pode utilizar como uso nas aulas nas diversas especialidades e materias: ciencias da natureza, ciencias sociais, nas diferentes materias artísticas ou nas matemáticas, os fondos fotográficos como valioso recurso educativo.

Para os obradoiros utilizaranse as fotografías da exposición: "A mirada dos espazos. Camiño dunha antropoloxía visual" onde se mostran as obras dos fotógrafos con fondos no Museo Etnolóxico, a través das súas fotografías o público observa todo o que unha imaxe pode ensinar, as múltiples miradas: mirada técnica, histórica, socilóxica, etnográfica, artística...


Os centros educativos que participan son: IES O Ribeiro (Ribadavia), IES Ferro Couselo (Ourense), IES Celso Emilio Ferreiro (Celanova), CEIP Otero Novas (Cortegada), CEIP San Marcos (Cartelle) .

Este é o folleto coa descrición e obxectivos dos obradoiros:

Romaría Raigame 2014: Centros etnográficos de Ourense

 Cada 17 de maio Día das Letras Galegas na vila ourensá de Vilanova dos Infantes celébrase a Romaría Raigame, a vila medieval énchese de tradición galega cunha morea de actividades: teatro, íteres, música, ambientación polas rúas, bailes populares, xogos, contacontos e artesanía, dentro destas actividades cada ano o Centro Cultural Xaquín Lorenzo organiza unha exposición adicada a un tema de etnografía, neste 2014 o título da exposición era: "Centros etnográficos de Ourense".

Nunha das rúas principais de Vilanova banderolas con información dos distintos centros etnográficos espallados pola provincia de Ourense: Castro Caldelas, Riós, Vilariño de Conso, Allariz, A Veiga ... e por suposto iniciaba a exposición o Museo Etnolóxico con este panel AQUÍ (grazas á xente do Centro Cultural Xaquín Lorenzo, en especial a Xavier Álvarez por facernos partícipes de honra), por outra parte nunha das casas da Praza Maior había unha pequena mostra de folletos, libros, vídeos... con información sobre estes centros.

Na mesma casa estaba a interesantísima exposición da Sociedad Filatélica Miño Ourense onde a través dos selos mostran e poñen en valor a tradición cultural galega, además de ser os promotores de pór en circulación dous selos adicados a estes centros etnográficos da provinica de Ourense: un adicado ao Museo Etnolóxico. Ribadavia e outro á Casa das Rodas de Arboiro. Xa sabedes durante un mes podedes enviar as vosas cartas coa imaxe do Casa-Pazo do Marqués de Baamonde, sede do Museo Etnolóxico, foto de Santi Amil.

                                                                                          

Heráldica e linaxes no Ribeiro

O venres 16 de maio ás 20:00 h. terá lugar nas dependencias do Museo Etnolóxico a presentación de tres libros sobre Heráldica e Xenealoxía do Ribeiro da autoría da profesora María Luisa Álvarez–Montero y Montaos. Ademais da intevención da autora fará unha valoración destas obras o Profesor de Comunicación Audivisual e Publicidade da Universidade de Santiago de Compostela, José Ramón Pousa Estévez.

Arte, cultura e cárcere

O Museo Etnolóxico co Programa "Museo no cárcere" que forma parte do proxecto "Museo Aberto" participou na investigación de María Ruiz e Tais Vidal sobre as distintas experiencias artísticas e culturais que se realizan sobre todo dentro do sistema penitenciario do estado español: quen as leva a cabo, que relacións existen entre as distintas institucións, como se organizan, e sobre todo como apuntan elas mesmas dar visibilidade ao labor de numerosas persoas que traballan día a día pola accesibilidade da cultura nos entornos penitenciarios, e conseguiron este propósito coa publicación en liña da súa investigación, coa recopilación das distintas experiencias e coas conclusións "abertas" do seu traballo ao longo de tres anos, a publicación ten o título: "Arte, cultura y cárcel: prácticas artísticas y culturales en contextos penitenciarios", que foi presentado no marco do II Congreso Internacional de Educación y Accesibilidad .
María e Tais resaltan "entendemos a CULTURA como un dereito PARA TODOS, como un instrumento de cohesión social e como un elemento xerador de desenvolvemento que ten a capacidade de mellorar e transformar o noso entorno social".

Liberando libros = bookcrossing Día Internacional do Libro

Por terceiro ano consecutivo a Biblioteca do Museo Etnolóxico. Ribadavia participa, na liberación de libros xunto con 48  bibliotecas de museos de todo o estado español, para conmemorar no día 23 de abril o Día Internacional do Libro, esta iniciativa está organizada desde hai seis anos pola Biblioteca-Centro de Documentación ARTIUM de Vitoria.

Este ano a Biblioteca do Museo Etnolóxico liberará 11 libros procedentes de publicacións editatas polo propio museo, así como de doazóns e duplicados, de temas variados: fotografía, etnografía, catálogos de exposicións, literatura infantil, novela ... A liberación neste 2014 centrarase sobre todo no rural da comarca do Ribeiro, en lugares públicos: parques, beirarrúas, paseos fluviais, fontes, monumentos, bancos públicos, etc. de Arnoia, San Cristovo, Francelos, Castrelo de Miño, Leiro… pero tamén da vila de Ribadavia e da cidade de Ourense sempre co obxectivo de que a xente que encontre estes libros libres goce con eles e despois os volva deixar en calquera sitio público para que outra persoa poida desfrutar tamén con eles.
Tedes máis información no blogue da Biblioteca do Museo AQUÍ.

En Galicia participan nesta actividade tamén as Bibliotecas do Museo das Peregrinacións e de Santiago, do Museo de Belas Artes de A Coruña, do Museo da Marioneta en Lalín, do Centro Galego de Arte Contemporánea (CGAC) de Compostela, da Fundación Granell tamén en Compostela e do Museo de Arte Contemporánea (MARCO) de Vigo.
Vídeo presentación da campaña elaborado pola Biblioteca-Centro de Documentación ARTIUM de Vitoria onde aparecene todos as bibliotecas de museos que participan nesta liberación masiva de libros.

Restauración dunha chaqueta de nena

A restauración da Chaqueta infantil feminina co nº de inventario 3658, tivo como obxecto a recuperación desta peza pertencente a un conxunto de indumentaria de finais do século XIX doado por Luisa Fernanda Redonet Alvarez, de Xubín, Razamonde (Ourense).

Esta prenda pertenceu a unha meniña falecida en 1892 á idade de 7 anos, segundo información, procedente da tradición oral familiar, que proporciona a doadora. Semella ser que a tía da pequena conservou as prendas desta, moi afectada polo seu falecemento a causa dun accidente doméstico.

Actualmente a chaqueta forma parte da exposición “Seguindo o fío”, que se pode visitar na segunda planta do museo. 

A intervención foi realizada por Luz Pedrido Pérez no taller de restauración do Museo Etnolóxico durante o ano 2012, baixo os principios básicos de lexibilidade da intervención, de estabilidade dos materiais aplicados e da reversibilidade dos tratamentos efectuados.


Un obxectivo do Museo Etnolóxico é dar a coñecer os procedementos e produtos utilizados na restauración da súa colección de tecidos e indumentaria, así como a complexidade das actuacións que sobre eles se practican, como queda de manifesto no informe da restauración elaborado pola restauradora Luz Pedrido Pérez.
Podedes consultar e descargar o informe neste enlace:

Homenaxe a Manuel Peña-Rey Bouzas

Manuel Peña-Rey Bouzas

A Asociación de Amigos da República de Ourense homenaxea na edición deste ano 2014 a Manuel Peña-Rey Bouzas. O Museo Etnolóxico súmase a esta homenaxe, tributada a unha persoa cunha traxectoria profesional, política e cultural exemplar. 

Manuel Peña-Rey fixo súa a ética como guía existencial e como norte do seu quefacer médico e político. O Museo Etnolóxico, do que é benefactor, goza hoxe da posesión da biblioteca de Chucho Sánchez Orriols grazas á bonhomía do propio Manuel Peña-Rey e de Xesús Aslonso Montero.

Catálogo editado do Legado de Sánchez Orriols

 O Legado de Jesús Sánchez Orriols depositado na Biblioteca do Museo Etnolóxico conta con 8849 volumes sobre todo con temas de ciencias sociais e humanas, filosofía, historia e política marxista, antropoloxía, historia de Galiza, unha interesante colección de literatura universal destacando polo excepcional a novela de misterio e unha importante fonoteca de mais de 1600 discos de vinilo de música clásica, jazz, pop e folk.

No catálogo do Legado de Jesús Sánchez Orriols editado pola Xunta de Galicia en 1997 Manuel Peña-Rey escribe un texto titulado "O noso amigo Chucho" do que entresacamos estas palabras:

 " Coñecín a Xesús Sánchez Orriols, Chucho, no ano 1965, cando, finalizados os meus estudios en Madrid, voltei a Ourense. Tódolos días, ó mediodía, un grupo de amigos con afinidades culturais, sociais e políticas xuntabámonos na librería Tanco: artista plásticos, escritores, profesionais, profesores, mestres e tamén algún traballador manual. Íamos mercar libros, moitos deles censurados, que só se atopan alí, pero sobre todo a "discutir".

  Actos 2014 Amigos da República AQUÍ

Recital-presentación libro-disco: "Farrapos de boneca" de Rochi Nóvoa

Pequeno recital poetico de Rochi Novoa, autora do libro-disco: "Farrapos de boneca" acompañada de Toño Iglesias e Dani Soldevilla. As letras de tódolos temas son de Rochi Nóvoa Vázquez , gravadas na casa de Rafa Ullán, copiados en CD Inmagen, editados e distribuidos por Rochi Nóvoa.

Entendeuse este CD como parte imprescindible do libro, para poder chegar a entender o significado total.

No blogue de Rochi Nóvoa podedes ver unha parte da súa produción artística: fotopoemas, videopoemas, pensamentos, poesía social    AQUÍ , así como no seu canal de youtube AQUÍ.

Máis información sobre o libro-disco: "Farrapos de boneca" AQUÍ e AQUÍ

 

Vídeo do poema: Terra, voz e música Servando Barreiro

Fotopoema de Rochi Nóvoa

Exposición: "Detrás da máscara" fotografías de Demetrio Monteagudo

O fotógrafo nado en Vigo, Demetrio Monteagudo, mantén desde o ano 1973 coa fotografía unha relación autodidacta, intermitente e bipolar que se pode permitir pola súa condición de afeccionado, en palabras do propio fotógrafo. 

Demetrio é membro da Asociación Fotográfica Galega (Phosgalicia). Mantén unha galería en Internet onde mostra as súas fotografías pódense ver AQUÍ.

A primeira vez que Demetrio foi a Laza corría o ano 1981 e algo prendeu nel para que seguira ata hoxe perseguindo estas mostras culturais e sociais que comparten moitos países.

Esta mostra de 26 fotografías de diferentes entroidos de Galicia e Portugal: "Destrás da máscara", poderase ver do 14 de marzo ao 26 de abril de 2014 no Local Social "Igrexa da Madalena" de Ribadavia

Horario: 
Martes a venres de 11,30 a 13,30 h e de 17 a 19 
Sábados e domingos de 12 a 14 h      
Luns e festivos pechado

Para descargar ou ver o folleto da exposición AQUÍ