"Patrimonio en femenino" no Museo Etnolóxico

O 8 de marzo celébrase o Día Internacional da Muller. A data para esta celebración ten unha historia máis alá da proclamación feita pola Asemblea Xeral da ONU o ano 1977. En USA o Día Nacional da Muller celebrouse o último domingo de febreiro dende 1909 ata 1913. En Europa a partir de 1911 o día elexido era o 19 de marzo, aludindo á Comuna de París. A consolidación do 8 de marzo ten que ver coa Revolución Rusa. En 1917, en plena Primeira Guerra Mundial, as mulleres rusas deciden manifestarse en favor da paz; a data elixida foi o 23 de febreiro do seu calendario de entón, isto é o 8 de marzo segundo o calendario gregoriano.

Hoxe, a celebración ten lugar nun grande número de países e mesmo prolóngase ao longo do mes con actividades para lembrar o respecto á igualdade da muller e o home á hora de desenvolver a súa vida como cidadás, traballadoras, creadoras, en definitiva como persoas.

Pois ben, podemos aproveitar unha iniciativa en liña ue se desenvolveu entre 2011 e 2016, na que coordinadas polo Ministerio de Cultura tiveron lugar seis edicións baixo a denominación «Patrimonio en Femenino», buscando visibilizar a presenza da muller nos máis diversos ámbitos a partir de bens mobles das coleccións dos museos. 

En concreto, foron seis edicións: Patrimonio en Femenino; Ausencias y Silencios; Mujeres ante la adversidad: tiempos y contratiempos; Tradición y modernidad; Eros y Anteros: visiones sobre la sexualidad femenina e, finalmente La memoria femenina: mujeres en la historia, historia de mujeres, edición esta á que se uniron museos de Argentina, Brasil, Chile, Colombia, México, Portugal y Uruguay, amais de España.

Cada unha delas co seu correspondente catálogo en liña, descargable de balde, accede picando sobre os títulos de cada edición:

Patrimonio en femenino

Ausencias e silencios

Mulleres ante a adversidade

Tradición e modernidade

Eros e Anteros

A memoria femenina: mulleres na historia, historia de mulleres

Visita o álbum completo das fotos de "Patrimonio en femenino" do Museo Etnolóxico no TABOLEIRO DE PINTEREST pica  AQUÍ 

#aculturasegue  #aculturagalegasegue  #EuQuedoNaCasa

"A memoria feminina: mulleres na historia, historia de mulleres". Exposición en liña

Como cada 8 de marzo, coincidindo co Día Internacional da Muller, o Ministerio de Educación, Cultura e Deporte a través da coordinación da Subdirección General de Museos Estatales, da Dirección General de Bellas Artes y Bienes Culturales y de Archivos y Bibliotecas presenta o catálogo e a exposición en liña "Patrimonio en feminino" este ano 2016 co título: "A memoria feminina: mulleres na historia, historia demulleres", nesta edición coa colaboración do programa Ibermuseos coa participación de oito países do ámbito iberoamericano.

A través de 125 bens culturais de 81 museos asistimos a un percorrido polas aportacións das mulleres na historia e na construción das súas comunidades, a súa loita pola igualdade ou ao coñecemento dos símbolos e mitos que se foron tecendo ao redor da identidade feminina.

Foto Chao 1947. Museo Etnolóxico. Ribadavia

 O Museo Etnolóxico participa, na sección: "Muller: identidade, comunidade e interculturalidade", con esta fotografía do Fondo de Foto Chao feita en Avión en 1947.  

A fotografía amosa un dos característicos retratos feitos para enviar ao/aos parente/s emigrado/s, coa finalidade de mostrarlles que os recursos achegados polo/os ausente/s están contribuíndo a mellorar as duras condicións dos anos corenta. 

 Unha imaxe característica do impacto deixado na terra de orixe polos que partiron, neste caso moi probablemente a América, en busca de mellores condicións económicas.

 

Mulleres que, ante a ausencia da súa parella, asumen, como «viúvas de vivos», a plena responsabilidade do grupo familiar, funcionalmente convertido polas circunstancias en monoparental.

A exposición compleméntase cunha publicación electrónica con artículos sobre as políticas institucionais en materia de xénero desenvolvidas nalgúns dos países así como outros artigos de interese.

Tamén se poden consultar en liña as edicións anteriores do proxecto "Patrimonio en feminino" AQUÍ 

nas que participou o Museo Etnolóxico.

"Eros e Anteros. Visións Sobre a Sexualidade Feminina". Exposición en liña

A V edición da exposición virtual «Patrimonio en Femenino» coordinada pola Subdirección General de Museos Estatales, da Dirección General de Bellas Artes y Bienes Culturales y de Archivos y Bibliotecas do Ministerio de Educación, Cultura y Deporte, foi inaugurada o 8 de marzo 2015, coindindo co Día Internacional da Muller.

Foto Pacheco

Nesta ocasión o tema elixido é «Eros e Anteros. Visións Sobre a Sexualidade Feminina» e o Museo Etnolóxico (MER) participa nos epígrafes De Eva á Femme Fatale: arquetipos (arquetipos de feminidade vinculados á sexualidade das mulleres), Imaxes da Alteridade (percepción que se tiña dende as sociedades occidentais das formas de vivir a sexualidade feminina por outras culturas) e A Muller Obxecto (a muller e o seu corpo tratados como un obxecto puramente sexual).

No primeiro dos apartados o Museo Etnolóxico participa cunha fotografía na que se patentiza a admiración da xuventude masculina presente polo encanto da moza elexida «Miss» no marco dunha sociedade recreativa.

 

foto Llanos

No epígrafe dedicado á alteridade o MER aporta unha imaxe fotográfica na que aparece unha «muller oriental», provocando unha mirada que invita á sensualidade imaxinada do harén. Finalmente na liña da Muller Obxecto, o Museo Etnolóxico aporta tres imaxes nas que a sensualidade ou a condición sexual da muller son explicitadas cara a satisfacer o imaxinario masculino.

Este catálogo en liña foi completado coa publicación electrónica "Eros y Anteros: visiones sobre la sexualidad femenina  que se pode descargar e consultar de balde desde o día 4 de setembro Día Mundial da Saúde Sexual. Esta publicación contén oito artigos realizados por especialistas que nos achegan a un maior coñecemento da sexualidade feminina.

"Tradición e modernidade". Exposición en liña

Dende o día 8 de marzo «Día Internacional da Muller» está dispoñible na rede a cuarta edición de Patrimonio en Femenino, iniciativa do Ministerio de Cultura, Educación e Deporte centrada na difusión de coleccioóns de museos integrantes da Red Digital deColecciones de Museos de España Cer.es, que desde 2011 tenta dar visibilidade o papel exercido pola muller en diferentes cultura, civilizacións e perídos históricos.

Nesta cuarta edición de 2014 a temática é "Tradición e Modernidade" e expóñense 75 bens culturais de 19 museos de todo o Estado Español, incluidos museos de Galicia como: Museo Arqueolóxico Provincial de Ourense, Museo Massó de Bueu, Museo das Peregrinacións e de Santiago, Museo de Belas Artes da Coruña e o Museo Etnolóxico. Ribadavia_Ourense, como vén acontecendo dende o inicio participa nestas exposicións en liña, nesta ocasión con sete fotografías: dúas imaxes na sección Fieis á tradición , catro na sección A difícil conquista da modernidade , nesta ocasión unha fotografía do Arquivo LLanos forma para da portada, e unha imaxe na sección Á última; as fotografías son procedentes dos fondos Foto Llanos, de Vigo, Foto Chao, de Ribadavia, e Foto Pacheco, de Ourense, todos eles forman parte do Arquivo Fotgráfico do Museo Etnolóxico.

Esta placa de vidro do Arquivo Llanos é a portada da sección: A díficil conquista da modernidade. Nun campo de fútbol, probablemente Balaídos, retrátase un equipo feminino de fútbol cun home que viste traxe e gravata. 

A imaxe ilustra a paulatina incorporación da muller á vida deportiva, neste caso á práctica do fútbol, unha forma de modernidade; ademais a localidade na que se fai a fotografía, a cidade de Vigo, é unha das entradas deste deporte en Galicia.

Este retrato de estudio do Arquivo Chao está incluido na sección: Á última, reflicte con rotundidade a modernidade acadada pola muller retratada, e tamén polo fotógrafo, nunha pose nova que, probablemente, é influencia das imaxes enviadas dende a emigración americana. 

O mantemento do pano de fondo semellando un interior non é óbice para que a muller adopte unha actitude que demostra a súa incorporación á modernidade nunha vila galega dos anos vinte do século XX.

As outras edicións nas que participou o Museo Etnolóxico son:  

"Patrimonio en feminino"

"Ausencias e silencios"

"Mulleres ante adversidade. Tempos e contratempos"

Pódesen seguir as actividades de Patrimonio en femenino polo seu Facebook

MULLERES ANTE A ADVERSIDADE: TEMPOS E CONTRATEMPOS- Exposición en liña

           

                    

           O Museo Etnolóxico participa, dentro da iniciativa Patrimonio en Femenino do Ministerio de Educación, Cultura e Deporte, na exposición online e no catálogo en liña de Mulleres ante a adversidade: tempos e contratempos.A edición deste ano ten como obxectivo ofrecer aos usuarios unha visión específica do papel desempeñado polas mulleres de diferentes sociedades e épocas en momentos de adversidade, transformación e cambio. A través de 94 bens culturais, procedentes de 36 museos integrados na Rede Dixital de Coleccións de Museos de España, CERES, articúlanse catro eixes expositivos: as mulleres ante o cambio social, os períodos de subsistencia e supervivencia, os conflitos e as transformacións políticas, e os propios cambios habidos no ámbito do privado e o persoal. Unha quinta categoría analiza, baixo o epígrafe Nomes propios, o papel de mulleres relevantes que padeceron a adversidade en múltiples facetas da súa vida pública e privada.

A exposicións consta das seguintes seccións: Cambio social, Subsistencia e supervivencia, Conflictos e transformacións políticas, En clave persoal, Nomes propios.

ENLACE COA EXPOSICIÓN

AUSENCIAS E SILENCIOS. EXPOSICIÓN ON LINE NA QUE PARTICIPA O MUSEO ETNOLÓXICO.

Con motivo do Día Internacional da Muller, a Rede Dixital de Coleccións de Museos de España, Cer.es, presenta o catálogo temático Ausencias e Silencios, formando parte da iniciativa Patrimonio en Femenino, creada no ano 2011 co obxectivo de dar visibilidade ao papel das mulleres en diferentes culturas, civilizacións e períodos históricos.
A través de Ausencias e Silencios, se indaga naqueles ámbitos nos que a actividade feminina estivo ausente ou foi silenciada.
Nesta exposición on line móstranse 65 bens culturais achegados por 26 museos que forman parte da Rede Dixital de Coleccións de Museos de España, e sobre ela elaborouse un catálogo articulado entorno a cinco áreas temáticas: autoridade e poder; educación e ciencia; creación e espectáculo; traballo e labor; e dereitos e igualdade.
O Museo Etnolóxico participa en Ausencias e Silencios con tres fotografías dos seus fondos, unha delas na área de Ciencia e educación, outra na área de Creación e espectáculo e unha máis en Traballo e labor.

Para ter máis información das fotografías do Etnolóxico na exposición entre nas seccións e faga click enriba das fotos
CATÁLOGO COMPLETO DA EXPOSICIÓN
SECCIÓN CIENCIA E EDUCACIÓN
SECCIÓN CREACIÓN E ESPECTÁCULO
SECCIÓN TRABALLO E LABOR

PATRIMONIO EN FEMININO. Exposición do Museo Etnolóxico-on line

Patrimonio en feminino é unha exposición organizada pola Dirección General de Bellas Artes y Bienes Culturales, na que participa o Museo Etnolóxico e na cal se analiza dende unha perspectiva de xénero a presenza e participación activa das mulleres ao longo da historia, tanto no ámbito público como privado, a través dun percorrido entre as coleccións de trinta museos españois integrantes da Red Digital de Colecciones de Museos de España, Cer.es.

Esta exposición en liña, acompáñase unha serie de textos que reflexionan sobre o papel que as mulleres desempeñaron na construción dos nosos museos.

Dende o 8 de marzo de 2011.

Enlaces coa exposición  CLICK AQUÍ