Concerto de Germán Díaz e Benxamín Otero: Trece cancións bonitas

Domigo 5 de maio ás 19.30 h no Museo Etnolóxico concerto de Germán Díaz e Benxamín Otero presentan o proxecto: Trece cancións bonitas´.

 

Iturri zaharretik

edaten dut,

ur berria edaten,

beti berri den ura,

betiko iturri zaharretik.

Joxean Artze

Da vella fonte

bebo,

bebo a agua nova,

a agua que sempre é nova,

da fonte que sempre é vella.

En Trece cancións bonitas Benxamín Otero e Germán Díaz, propoñen unha selección de cancións co sinxelo fío argumental de ser, ós seus oídos, bonitas... compositores coma Schubert, Satie, Galliano ou Clastrier, cancioneiros coma o de Inzenga ou o de Federico Olmeda, e melodías propias, compoñen o corpus ecléctico e accidental que conforma este personal concerto.

Instrumentos coma o óboe e o corno inglés únense ás sonoridades medievais da zanfona e a particulares instrumentos mecánicos coma o órgano de barbaria, o aurephone ou a caixa de música programable para os que Otero e Díaz perforan os seus propios cartóns con arranxos actuais para vellas melodías.

Foto de Gus Abreu

Exposición temporal: "Os xenerais do Ulla" fotografías de Miguel Ares

Ulla uns peculiares entroidos chamados “Os Xenerais do Ulla”. Trátase dunha jmanifestación lúdica na que uns xinetes vestid de xenerais, con vestimentas bastante rechantes percorren as parroquias da c

Do 15 de abril ao 3 de maio de 2019 exposición fotográfica de Miguel Ares: Os xenerais do Ulla

Todos os anos, entre finais do mes de xaneiro e principios de febreiro celébranse na comarca do Ulla, especialmente nos municipios de Teo, Boiqueixón, Vedra, Vila de Cruces, Touro, Bandeira, Silleda ou A Estrada, uns peculiares carnavales chamados Os Xenerais do Ulla. Trátase dunha manifestación lúdica na que uns xinetes -representando dous exércitos, un defensor e outro invasor- vestidos de xenerais e con atuendos bastante rechamantes percorren as parroquias da comarca dando vivas e saúdos a vecinanza.
Esta celebración non ten unha ascendencia clara. A súa orixe asóciaa co recordo das andanzas dos soldados franceses durante a Guerra da Independencia pero, observando o particular das súas vestimentas, tamén se pode falar das Guerras Carlistas. O certo é que nesta festa terminan fusionándose os elementos clásicos do carnaval cos propios de Os Xenerais do Ulla.

A casa, a aldea e a parroquia, o campo da feira, pezas chave da estrutura rural, xogan un papel esencial no discorrer dos acontecementos. Polas casas pásase dando vivas na honra do cabeza de familia. A aldea, singularizada tanto no bar como no campo da feira -coa súa igrexa sempre presente-, lugares de encontro e celebración. E a parroquia, que durante estas festas son consideradas nacións independentes, como vínculo de unión entre territorial.

Os preparativos comezan no bar do pobo, onde os parroquianos atópanse e “aprovisionan”, mentres os xenerais, en casa dalgún veciño próximo, van dispoñendo as súas monturas e atavío.

Logo, os xenerais co seu abanderado, o seu correo e o seu centinela, aínda sen os seus tocados, dan unha volta polas aldeas limítrofes, dando vivas aos veciños. Mentres, na aldea onde se celebrarán os retos ou atranques, os parroquianos empezan a desprazarse, sen apuro, cara o campo da feira acompañando ás comparsas.
Os xenerais chegan montados ao campo da feira onde se lles espera con gran expectación. Alí os seus asistentes axúdanlles a colocarse os tocados: uns vistosos chapeus recargados de plumas de cores.

A continuación comezan os retos ou atranques. O correo do exército atacante chega ao campo da feira e baixo un arco feito de ramas, que simboliza a porta de acceso ao dominio do exército local, pide ao seu contrario paso franco, ao que este se opoñerá. 

Aparecerán entón os xenerais que darán inicio a unha disputa verbal a base de ripios, nos que se ironizará sobre asuntos en boga. Reinan o bo humor e a ironía. 

Tras unha serie de atranques baixo o arco, nos que os opoñentes se van intercambiando versos, terminan asinando a paz e todos acaban gozando dun día de festa no campo da feira.
Este xa é espazo para o carnaval tradicional onde podemos ver todo o catálogo habitual.

 

MIGUEL ARES é fotógrafo, dedicado á publicidade e á comunicación, así como á dirección de fotografía de documentais de carácter social. Con este traballo preténdese dar visibilidade e elevar a dignidade dunha manifestación cultural pouco coñecida fóra da comarca. 

 

Concerto de "La Musgaña"

Domingo 7 de abril ás 13.00 h

Museo Etnolóxico

concerto do grupo de música folk:

 La Musgaña

 

Coa colaboración da Asociación de Amigos do Museo e do Conxunto Histórico de Ribadavia (AMECHIR) o domingo 7 de abril ás 13.00 h no salón de actos do Museo Etnolóxico en Ribadavia poderemos desfrutar da música tradicional do grupo La Musgaña formado por Carlos Beceiro, Jaime Muñoz y Luis Antonio Pedraza.

Tras 30 anos de carreira musical, La Musgaña preséntanos un novo directo que tenta resumir parte do legado musical que foi elaborando disco a disco, concerto tras concerto, revisando vellas cancións que xa son imprescindibles no repertorio do folk ibérico. 

Un amplo percorrido pola música instrumental e cancións da Meseta, profundando na esencia da súa riquísima tradición e desenvolvendo, mediante composicións propias inéditas, as posibilidades estéticas desta herdanza cultural infestada de mestizaxe. 

A Musgaña achegou a unha boa parte da Península así como a Estados Unidos, Inglaterra, Italia, Marrocos, Francia, Alemaña, Rusia e outros moitos países, a tradición musical de Castela e León, grazas a unha interpretación moderna e complexa, pero co respecto e fidelidade á tradición e cultura herdadas dos nosos antepasados.

Exposición: "Queremos saudArte dende o Camiño Xacobeo Miñoto-Ribeiro"

O  xoves 28 de marzo ás 20.00 h no Museo Etnolóxico inaugúrase a exposición itinerante:
"Queremos saudArte dende o Camiño Xacobeo Miñoto-Ribeiro" organizada pola Área de Medicina Preventiva e Saúde Pública da Universidade de Vigo e a colaboración do colectivo Medicina e Arte e da Asociación Camiño Miñoto Ribeiro, comisariada por Lourdes Maceiras.

O obxectivo desta exposición é mobilizar á xente dos concellos polos que pasa este Camiño, e visibilizalo a toda a sociedade galega, para que despois traspase as nosas fronteiras e se espalle a información polos camiños adiante; promocionalo para que sexa outro Camiño Xacobeo máis e con máis peregrinos dos que ten agora, e que todo isto sirva para mellorar a calidade de vida desta zona e dos seus habitantes; para que se consiga a declaración deste Camiño Xacobeo Miñoto-Ribeiro como un dos Camiños de Santiago “oficiais ”; meta que é moi importante, tanto para estas comarcas, como para toda Galicia. 

 

Este Camiño existe dende moi antigo, aínda que non estea oficializado. Xa no ano 1783 o arcebispo de Santiago (que ía tomar as augas a Cortegada de Baños) pedíalle ao rexedor do Ribeiro que arranxara determinados puntos deste camiño para que puideran pasar mellor por el “peregrinos, viajeros y comerciantes”, como consta nos libros existentes no Arquivo Histórico Provincial de Ourense, Municipal de Ribadavia (sito no Museo de Ribadavia).

No Camiño Miñoto-Ribeiro hai abondosos vestixios de Ordes Hospitalarias, sobre todo da de San Xoán de Xerusalén, ou Cabaleiros de Malta, e dos seus hospitais; así como de lazaretos, e de fontes de augas mineiro-medicinais utilizadas polos peregrinos enfermos.

Charla-visita guiada con Ángel López Soto á exposición "Himalaya: las montañas de Buda"

No Museo Etnolóxico en Ribadavia venres 11 de xaneiro ás 20.00 h o fotógrafo Ángel López Soto fará un visita guiada pola exposición: "Himalaya: las montañas de Buda" que se pode ver no Museo Etnolóxico. Con esta charla-visita clausurarase a exposición do fotógrafo Ángel López Soto.

exposición "Himalaya. Las montañas de Buda" no Museo Etnolóxico

PREMIOS E EXPOSICIÓNS DE ÁNGEL LÓPEZ SOTO:

Cinema: "Hora silenciosa" e "The Widow" de Noelia Muíño

Venres 21 de decembro de 2018 ás 20.30 h

Museo Etnolóxico 

proxección das curtas de Noelia Muiño, gañadora do premio á mellor curtametraxe no Ourense Film Festival con 'The Widow'.

 Contaremos coa presenza da directora.

HORA SILENCIOSA

Xénero:documental contemplativo. 

Sinopse:

Nun mosteiro de Santiago de Compostela, as monxas benedictinas realizan a súa rutina diaria en silencio.

En un monasterio de Santiago de Compostela, las monjas benedictinas realizan su rutina diaria en silencio.

At a monastery in Santiago de Compostela, a group of Benedictine nuns go through their daily routines in silence.

 

THE WIDOW 

 

Xénero: drama, fición.

Sinopse:

Virginia chega do funeral do seu marido, cando recibe a visita do seu veciño. El ofrécelle axudala a quitar a cabeza de xabaril que adorna o salón. Con todo, ambos saben que ten outro motivo para estar alí. 

Virginia llega del funeral de su marido, cuando recibe la visita de su vecino. Él le ofrece ayudarla a quitar la cabeza de jabalí que adorna el salón. Sin embargo, ambos saben que tiene otro motivo para estar allí.

Virginia just became a widow, and she receives the visit of her neighbour. He offers to help her remove the taxidermy boar head from her living room. However, they both know he has another reason to be there.

 

BIOGRAFÍA da DIRECTORA:

Noelia Muíño (Galicia, 1992) estuda o Máster en Dirección de Cine da New York University (USA). Guionista, produtora, directora e editora dos documentais 'Hora Silenciosa', 'El vendedor de alfombras' e das curtas de ficción 'Monte Bravo', 'The Widow', 'Paradise', 'En Pointe' y 'El visitante'. As súas curtas foron seleccionadas en varios festivais de España, gañando o premio á mellor directora galega no Curtas Film Fest, e o premio á mellor curtametraxe no Ourense Film Festival con 'The Widow'. Noelia foi tamén directora de fotografía de tres curtametraxes e editora de vídeo na escola do 'New York Times'. Como artista de Previz 3D, traballou, entre outros proxectos, no filme 'Tadeo Jones 2 el secreto del rey Midas', gañadora do Goya á mellor película de Animación en 2018.

Exposición: "Himalaya: Las montañas de Buda" de Ángel López Soto

Venres 21 de decembro ás 20.00 h no Museo Etnolóxico

inauguración da exposición: Himalaya: las montañas de Buda

                              do fotógrafo Ángel López Soto

 

Himalaya: las montañas de Buda: trala invasión China do Tíbet en 1949, a cordilleira do Himalaya converteuse na testemuña fiel do éxodo do pobo tibetano.

O fotógrafo Ángel López Soto, sempre acompañado pola súa cámara, explora varios países da rexión do Himalaya, Norteamérica e Europa, realizando un seguimento, que xa vai por máis de 20 años, do desterro obrigado dos casi 150.000 tibetanos.

Paisaxes imposibles, mosteiros, templos e outros lugares de peregrinación do budismo, son os protagonistas das imaxes e textos que compoñen a mostra.

`Himalaya: las montañas de Buda´, propón unha viaxe que se prolonga durante esas dúas décadas polos países de Tíbet, India e Nepal. Un percorrido para descubrir os lugares máis emblemáticos da rexión máis alta da terra, a historia e a forma de vida dun dos pobos máis ameazados do planeta.

Ángel López Soto é fotoperiodista. Céntrase en temas de actualidade, denuncia social e medio ambiente. As súas reportaxes publícanse en revistas e diarios de todo o mundo.

É, xunto a Alfons Rodríguez e Juan Carlos de la Cal, un dos fundadores de GEA PHOTOWORDS, asociación de fotógrafos, periodistas, cineastas e escritores, ligada a todo o que afecta ao Medio Ambiente, aos Dereitos Humanos e a rica diversidade do noso mundo en todas as súas formas e aspectos.

Algúns dos seus proxectos e reportaxes foron realizados coa colaboración de UNICEF, Cruz Vemella, Agencia Española de Cooperación Internacional, United Nations Population Fund (UNFPA), Ayuda en Acción, Action Aid, Fundación Amigó e a Fundación Vicente Ferrer, entre as máis coñecidas.

Premios e exposicións:

O fotógrafo ten exposto obra no Círculo de Bellas Artes de Madrid, PhotoEspaña, Real Academia de Bellas Artes de San Fernando, Fundación Lázaro Galdiano, IVAM, Espacio Locationibus Domus, La Casa del Tíbet de Barcelona...

Entre outros galardóns, obtivo o II premio internacional de fotografía humanitaria Luis Valtueña, o IV Premio Internacional de fotografía humanitaria Luis Valtueña, premio 100 Latinos 2013, seleccionado entre varios fotógrafos do mundo pola axencia Gamma de París para fotografar a Alhambra de Granada dentro do proxecto Patrimonio 2001 sobre o patrimonio da humanidade da UNESCO...

Concerto presentación do libro-cd: "De mano en mano" de Luis Antonio Pedraza

Domingo 2 de decembro ás 13.00 h no Museo Etnolóxico concerto presentación do libro-cd de Luis Antonio Pedraza: "De mano en mano". a produción foi dirixida e realizada por Kepa Junquera.

Escribe Luis Antonio Pedraza sobre o seu libro-disco:

"A apaixonante viaxe que vou compartir contigo comezou cando só tiña once anos. A soas, na intimidade, ensaiaba cos primeiros instrumentos buscando o son da miña vida. Entón non alcanzaba a imaxinar que ese universo de notas sería o agasallo de personaxes como Isaías Fadón, o tío París, os irmáns Guillermo ou Amador García, entre outros moitos. Frautas, tamborís e outros instrumentos —regalo da natureza que os rodeaba— foron pasando de man en man por lendarios intérpretes que mantiveron viva a savia de nosas máis profundas raíces. Para algúns dos poboadores de Sayago, Aliste ou A Raia, aquela sería a única música en directo que escoitarían nos seus días. Hoxe, esa marabillosa melodía colectiva pasa polas miñas mans, antes de chegar ás seguintes". 

Luis Antonio Pedraza

Nace en Blanes, Girona (España) en 1983, pero reside en Zamora desde moi novo onde comeza os seus estudos musicais con 7 anos no Conservatorio de Música de Zamora. Aos 12 anos comeza a estudar frauta pastoril de tres buracos e tamboril e percusión tradicional nas escolas de folclore de Zamora e Salamanca. Compaxina as súas actuacións musicais como multi- instrumentista (instrumentos de vento, corda e percusión tradicional) co labor de director musical da Asociación de Tamborileros Zamoranos (A. T. Z.). Actualmente, pertence ao afamado grupo de folk "A Musgaña" e colabora desde o 2003 con numerosos grupos e formacións.

Grazas á colaboración da Asociación de Amigos do Museo e do Conxunto Histórico de Ribadavia (AMECHIR)

Folleto

Cine de Outono. Miradas etnográficas 6

Os venres de novembro de 2018 teremos a 6ª edición do Cine de Outono. Miradas Etnográficas reflexionaremos coa linguaxe do audiovisual de que maneiras o pasado está no presente, a través da visión de tres directoras: Roser Colella, Ana Domínguez e Olaia Sendón e dun: director Plácido Romero. Ademais de ver as súas obras audiovisuais tentaremos contar coa súa presenza para conversar sobre as súas obras e os procesos de creación.

As proxeccións serán de balde ata completar o aforo ás 20.00 h. no Museo Etnolóxico o venres 9, venres 16, venres 23 e venres 30 de novembro.
Moitas grazas pola organización, selección e proxección dos filmes ao Cineclube Padre Feijoo de Ourense e á colaboración da Federación de Cineclubes de Galicia.
 
Venres 9 de novembro, 20.00 h
O tempo na Luparia
Dir. Plácido Romero (España, 2018) 66 min.

Unha visión emotiva dun concello da Galicia interior a partir dos acontecementos e vivencias de todo tipo ocurridas nos últimos trinta anos. A historia, a etnografía, a política, a pegada imborrable de Xaquín Lorenzo e a vida cotiá, sosteñen a súa existencia no tempo pero tamén o tempo que habita nelas, conformándoas e determinándoas. Reinventarase este mundo para sobrevivir nun mañá dominado pola tecnoloxía e a intelixencia artificial?
Aínda existe a ilusión e a esperanza dunha vitoria sobre o desalento.

 

Venres, 16 de novembro de 2018

GRAB AND RUN (ALA-KACHUU) 

Dir. Roser Corella ( España - Alemaña.2017) 85min. 

Desde a independencia en 1991, en Kirguizistán houbo un rexurdimento da tradición ancestral do Ala-Kachuu, que podería ser traducido como "agarra e corre". Máis da metade das mulleres no país son secuestradas por homes que seguen a tradición e acaban por casar con elas. A orixe desta práctica ten raíces antigas e, sorprendentemente, continúa nos tempos actuais. Aínda que o Ala-Kachuu foi prohibido durante a era soviética e o código penal vixente establece que é ilegal, a lei moitas veces non protexe as mulleres contra este abuso violento.
Premio ao Mellor Filme Etnográfico na 13 MICE (Mostra Internacional de Cinema Etnográfico) do Museo do Pobo Galego 2017.

 
Venres, 23 de novembro de 2018
Os fillos da vide
Dir. Ana Domínguez (España,2017) 69 min.

Volvendo ás súas raíces, Ana Domínguez entra nunha xornada que vai desde o persoal ata o ancestral a través dos ciclos da vida e das estacións; as viñas, a vendimia e o viño. Os ritmos, os ritmos da natureza e as tradicións en perigo de extinción, a través das paisaxes e os que as habitan, debuxan ese aspecto no que a etnografía e a emoción únense nunha revelación das correntes pagás e míticas da Bacchanalia:Festas populares, explosións de fertilidade e de vida.
Premio ao Mellor Filme Etnográfico Galego na 13 MICE (Mostra Internacional de Cinema Etnográfico) do Museo do Pobo Galego 2017.

 
30 de novembro de 2018
A casa de Lola e AndrésDir. Olaia Sendón Ogando (España,2006) 34 min.

A memoria desaparece e o pasado non é máis ca un eco no espazo que o acolleu. Hoxe, estes ecos son diluídos nun espazo vítima da especulación inmobiliaria, salvaxe e irreversible. A Costa da Morte está á venda: baixo o pretexto de prosperidade económica, agóchase a emigración, a falta de industrias, a desintegración económica, a total falta de respecto á contorna.

Os fabulosos irmáns da luz
Dir. Olaia Sendón Ogando (España,2007) 17 min.

Espazos que noutrora foron cinemas, áchanse agora botados a perder ou desaparecidos. Serven, nesta obra, de espazo de proxección para imaxes que falan da vinculación do cine ás tecnoloxías, da intanxibilidade do material cinematográfico... e da maxia que o rodea.
Esta curta foi da man do proxecto fotográfico 'Derradeira sesión', de Manuel Sendón, recuperando a memoria dos cines desaparecidos na Costa da Morte.

Fisterra, carne de Safari
Dir. Olaia Sendón Ogando (España,2016) 25 min.

Xandre vai nacer, aínda que polo de agora é pouco máis ca un peixe na barriga da súa nai. Cando Xandre naza, descubrirá o mundo e o territorio que lle tocará habitar: Fisterra. Polo de agora non é outra cousa que retallos, pantasmas, contos. Un imaxinario fragmentado que só a experiencia da pertenza irá dando forma.
"Realmente, comecei a pensala moito antes, levaba traballando desde as primeiras películas que fixen, que trataban de recuperar a memoria da costa da Morte".

FOLLETO PARA DESCARGAR

Do viño de Galicia 2018: ciclo divulgativo sobre a cultura do viño

Na segunda quincena do mes de outubro iniciamos no Museo Etnolóxico un ciclo divulgativo sobre a cultura do viño en Galicia, con tres relatorios de especialistas en temas de viticultura e vinicultura na Idade Media e na Idade Moderna e unha visita guiada e comentada para coñecer as granxas medievais (adegas) que aínda se conservan no Ribeiro.
Na ficha nº 4 de Pretextos e Textos, publicada pola Asociación de Amigos do Museo, tedes información sobre as granxas medievais, José Luis Sobrado analiza como as granxas e adegas monásticas son testemuñas da explotación do viñedo no Ribeiro por parte do estamento eclesiástico, pica AQUÍ

17 outubro | mércores 20:30 h
O Ribeiro do Avia: un mundo cheo no outono da Idade Moderna.  Juan Manuel Rodríguez

24 outubro | mércores 20:30 h      ATENCIÓN OS CAMBIOS NESTA DATA

O viño nos mosteiros de Melón e San Clodio a finais do Antigo Réxime. Isolina Rionegro 

Por indisposición de Isolina Rionegro, a súa intervención do mércores 24 de outubro pasa para a semana próxima en data e hora que se comunicará.

Por isto, o mércores 24 de outubro ás 20:30 h teremos a intervención de Francisco Javier Pérez Rodríguez sobre Viño e mosteiros no Ribeiro de Avia medieval.

25 outubro | xoves 20:30 h

O legado do viño: adegas e granxas do Medievo e Idade Moderna. José Luis Sobrado

27 outubro | sábado 14:00 h
Visitas comentadas:
Mosteiro de Melón
Adegas de época medieval: Gomariz e Partovia

A saída da visita do día 27 de outubro será fronte a Casa de Cultura de Ribadavia.
A viaxe en autobús con saída e chegada a Ribadavia.
A viaxe e as visitas son de balde, os gastos persoais non están incluídos.

Inscricións para as visitas do sábado 27 no Museo Etnolóxico ben por teléfono: 988 788 720 ou ben por correo electrónico: mu.etnoloxico.ribadavia@xunta.gal.

FOLLETO DO CICLO: