COIDANDO DAS COLECCIÓNS PATRIMONIAIS DURANTE A COVID-19. 5ª PARTE

Quinta pregunta:

Os desinfectantes de mans poderían ser usados por persoas que manipulan bens patrimoniais?

Lavarse as mans ou usar un desinfectante é altamente recomendable para reducir a transferencia da Covid-19. Lavarse as mans con auga e xabrón antes de manipular obxectos e documentos é unha alternativa aceptable alí onde as luvas poden non ser apropiadas. Os desinfectantes de man son unha forma alternativa de reducir a transmisión da enfermidade e foron aprobados como uso xeral contra a Covid-19 polos gobernos. Algunhas institucións poden prover de desinfectantes ó seu cadro de persal e visitantes, particularmente durante situacións de pandemia. 

Os desinfectantes de man poden deixar residuos en obxectos e documentos que poderían eventualmente danar algúns materiais.

Lavar as mans ou usar luvas desbotables pode ser a mellor opción para quen manipula as coleccións directamente. Se se usan luvas de algodón hai que gardalas nun contedor pechado despois de cada uso e lavalas con auga quente antes de reusalas.

Manipulando un cliché de cámara fotográfica de principios do S..XX

Revisando un antigo catálogo de cadaleitos

O persoal técnico que traballa directamente cos bens culturais no Museo manipula normalmente os obxectos con luvas de algodón, de latex ou de nitrilo. O uso deste tipo de material de protección está dispoñible para o persoal que precisa mostrar os bens, examinalos, medilos ou fotografalos.

Esta é unha medida estandarizada no centro, polo que en tempos de Covid-19 non será difícil mantela.

Todas as preguntas e respotas extraémolas da conferencia en liña de Irene Karsten que se pode escoitar e ver neste enlace AQUÍ.

Todos os artigos relacionados co coidado das coleccións patrimoniais durante a COVID_19 deste blog están agrupados baixo a etiqueta: COVID E PATRIMONIO.

#aculturasegue #euquedonacasa #CovidEPatrimonio#aculturagalegasegue