jueves, 29 de noviembre de 2012

UN CANTO E UNHA LUZ NA NOITE. Asociacionismo cultural en Galicia (1961-1975) Exposición temporal no Museo Etnolóxico.Ribadavia

INAUGURACIÓN: LUNS 3 DE DECEMBRO ÁS 20 HORAS
IGREXA DA MADALENA

ABERTA AO PÚBLICO: DESDE MARTES 4 DE DECEMBRO
HORARIO NA IGREXA DA MADALENA:
horario de mañá: 11,30-13,15 h. de  martes a venres e domingo:
horario de tarde: 17-19,00 h. de martes a venres:
luns, festivos e sábado: pechado.
CLAUSURADA O 5 DE XANEIRO DE 2013


Díptico con información
Catálogo a texto completo para descargar

jueves, 8 de noviembre de 2012

O MUSEO ETNOLÓXICO NO OUTONO FOTOGRÁFICO




O Museo Etnolóxico participa no Outono Fotográfico con dúas exposicións:

- SEÑORAS E SEÑORES, fotografías de Ricardo Alcalde
- APEIROS E LABORES NA VIÑA E NA ADEGA, fotografías de Santi Amil

               As fotografías destas dúas mostras estarán expostas na Igrexa da Madalena (Praza da Madalena, Ribadavia) desde hoxe co seguinte horario: xoves e venres desta semana de 18 a 20 horas, e a partires do martes 13 de novembro co seguinte horario: de 12,30 a 13,30 h. e de 18 a 20 horas de martes a venres.
Ata o 2 de decembro.

miércoles, 7 de noviembre de 2012

PROGRAMACIÓN DO ETNOLÓXICO PARA NOVEMBRO

CINE DE OUTONO: os venres 9, 16, 23 e 30 de novembro ás 20 h.

EXPOSICIÓNS: - no museo (Rúa Santiago 10):

                                               - LEMBRAR NO MUSEO
                                               - SEGUINDO O FÍO
                                               - A MIRADA DOS ESPAZOS
                              - na igrexa da Madalena (Praza da Madalena): 
                                  
                                      dentro do Outono fotográfico e ata finais de novembro

                                               - SEÑORAS E SEÑORES, fotografías de Ricardo Alcalde
                                               - APEIROS E LABORES NA VIÑA E NA ADEGA, fotografías de Santi Amil

jueves, 27 de septiembre de 2012

CINE DE OUTONO (I) 2012. Miradas etnográficas. Museo Etnolóxico



                  O próximo venres 5 de outubro, ás 20 horas, terá lugar a primeira proxección do CINE DE OUTONO (I) 2012 . Miradas Etnográficas, programado polo Museo Etnolóxico para os meses de outubro e novembro.
A primeira película en proxectarse será Milímetros, do director Xes Chapela e producida por Matriuska (Daniel Froiz). Está película foi estreada, en decembro de 2011, na sede do CGAI na Coruña e dende entón non foi vista en ningunha sala máis, o cal supón un valor engadido para este museo.
Haberá un acto de presentación deste documental ao que asistirá Xes Chapela, que nos desentrañará o proceso de recuperación destas antigas imaxes de Galicia e os detalles máis significativos da elaboración deste filme.


Cine de Outono (I). Miradas Etnográficas. 2012
             A imaxe, fotográfica ou filmada, supón para o coñecemento antropolóxico unha ferramenta sustancial. A imaxe, documental ou argumental,  proporciona un relato con singularidades e trazos propios, fedatarios sempre de acontecementos reais ou imaxinados que posibilitan achegamentos e reflexións etnográficas. O Museo Etnolóxico, persuadido da importancia da imaxe (fixa e filmada) quere iniciar un ciclo de cine, onde filmes con argumento e documentais mostran a súa fecundidade etnolóxica.
 

martes, 25 de septiembre de 2012

O MUSEO ETNOLÓXICO NA PRIMAVERA DOS MUSEOS

                                     O MUSEO ETNOLÓXICO E IBERMUSEOS


O Museo Etnolóxico (ribadavia-Ourense) é o único Museo europeo que participa no programa “A Primavera dos Museos” (na súa 6ª edición) que organiza o IBRAM (Instituto Brasileiro de Museus), dentro da plataforma Iberoamericana IBERMUSEOS.
Esta sexta edición da Prinmavera dos Museos (primavera no hemisferio Sur) –que se celebra entre o 24 e o 30 de setembro- responde ao lema A función Social do Museo.
Con tal motivo, a actividade coa que participa o Museo Etnolóxico durante a semana indicada é a organización de varias ‘visitas-taller’ ás exposicións abertas no Museo por parte de colectivos de varias institucións e entidades, entre elas algunhas das que levan varios anos colaborando no Programa Museo Aberto deste Centro: O Centro Penitenciario de Pereiro de Aguiar, a Asociación de Familiares de Enfermos de Alzheimer de Ourense (AFAOR), a Cruz Vermella de Ribadavia e o Fogar Residencial (de Maiores) de Carballeda de Avia.
As visitas e obradoiros programados terán lugar entre o martes 25 e o venres 28, uns de máña e outros de tarde.

-         Martes 25, ás 10 h: Centro Penitenciario de Pereiro de Aguiar

-         Mércores 26, ás 11.30h: Asociación de Familiares de Enfermos de Alzheimer de Ourense (AFAOR)

-         Xoves 27, ás 18 h: Cruz Vermella de Ribadavia (grupo de discapacitados psíquicos)

-         Venres 28 (pendente hora): Fogar Residencial (de Maiores) de Carballeda de Avia.

miércoles, 18 de julio de 2012

LEMBRAR NO MUSEO 2005-2011

                                

                              

O vindeiro 26 de xullo terá lugar a inauguración desta nova exposición temporal.
Lembrar no Museo 2005-2011 é unha exposición temporal que resume o traballo desenvolto ao longo de cinco anos con enfermos de Alzheimer.
Lembrar no museo é unha das actividades que forman parte de Museo Aberto e consiste nunha acción na que se colabora con AFAOR (Asociación de familiares de  enfermos de Alzheimer de Ourense) e na que se desenvolveron obradoiros de aprendizaxe e recuperación da memoria utilizando pezas do museo: libros, fotos, obxectos de todo tipo (xoguetes, bolsos, reloxos, etc.) na percura de contribuir ao benestar dos enfermos participantes e cumplir unha función social da que un museo non pode quedar fora.
A exposición consta dunha serie de plotters con fotografías dos obradoiros, con textos explicativos e se mostran tamén 20 pezas da colección do museo coas que traballaron os participantes na actividade (libros, xoguetes, bolsos, etc.).

FOLLETO DA EXPOSICIÓN

martes, 17 de julio de 2012

PRESENTACIÓN DO CATÁLOGO COLECCIÓN VITIVNÍCOLA. MUSEO ETNOLÓXICO-RIBADAVIA



Acto de presentación: mércores 18 de xullo de 2012, ás 11h. no Museo Etnolóxico
O catálogo Colección Vitivinícola é o resultado dun traballo xestado desde finais do 2010 e que veu finalmente a luz neste ano 2012; en él preséntanse un grupo de pezas dos fondos etnográficos propios e relacionadas coa viticultura e vinicultura, estas pezas foron sometidas a un proceso de limpeza e restauración no ano 2009 e posteriormente desenvolvéuse o proxecto desta publicación.
Os textos desta monografía amosan fichas completas de cada unha das pezas que as contextualizan dentro das actividades vitícolas e tamén se inclúen os informes dos traballos de restauración realizados nestes fondos.
 A idea é que este catalogo sexa o primeiro dunha serie na que se vaian investigando e publicando os fondos do museo.
Datos técnicos do catálogo:

171 páxinas
Textos: galego, castelán e inglés.
Fotografías: Santi M. Amil
Deseño: Grupo Revisión (Barro Salgado Santana)
Coordinación do catálogo: Clara Fernández González
Textos: X. C. Sierra Rodríguez, Mª José Ruiz Vázquez, Clara Fernández G., Víctor Castro Carballal.
Edita: Xunta de Galicia

martes, 26 de junio de 2012

INAUGURACIÓN CURSO PROCEDEMENTOS BÁSICOS PARA A CONSERVACIÓN DO PATRIMONIO


                                    

Mañá mércores  27 de xuño ás 11-11,15 h. terá lugar, no Centro Sociocomunitario de Ribadavia (Rúa Extramuros, 26), a inauguración do curso "Procedementos básicos para a conservación do patrimonio documental, gráfico e fotográfico".

Este curso, organizado polo Museo Etnolóxico impartirase entre o 27 e o 29 desta semana e conta coa participación de 20 asistentes (aforamento completo) procedentes de diferentes institucións culturais de Galicia (arquivos, museos, fundacións, etc.), outorgándolle unha notable relevancia como foro de aprendizaxe e discusión.

viernes, 1 de junio de 2012

CURSO PROCEDEMENTOS BÁSICOS PARA A CONSERVACIÓN DO PATRIMONIO DOCUMENTAL


O Museo Etnolóxico organiza un curso sobre os Procedementos básicos para a consevación do patrimonio documental, gráfico e fotográfico, que terá lugar entre o 27-29 de xuño.
O obxectivo deste curso é proporcionar aos asistentes uns coñecementos básicos sobre o patrimonio documental para poder aplicar logo os procedementos necesarios para a súa correcta custodia, almacenamento e conservación.
O curso está destinado a profesionais de patrimonio cultural (conservadores, técnicos, restauradores, etc.) e será impartido por Mª Reyes Pérez Covacho (Restauradora do Arquivo Histórico Provincial de Lugo).
Prazo de matrícula: 10 de xuño

FOLLETO CON INFORMACIÓN E MATRÍCULA

miércoles, 30 de mayo de 2012

CLAUSURA EXPOSICIÓN LAGARES RUPESTRES


                               

O vindeiro sábado, 2 de xuño ás 20,00 h. terá lugar a clausura da exposición "Lagares Rupestres. Pegadas da hisotria vitivinícola en Galicia".
O acto de clausura celebraráse cun concerto do cuarteto de música clásica "Thiasos".

INVITACIÓN Á CLAUSURA DA EXPOSICIÓN

lunes, 14 de mayo de 2012

CONCERTOS DIDÁCTICOS NO MUSEO ETNOLÓXICO PARA O DÍA INTERNACIONAL DOS MUSEOS



18 de maio de 2012: Día Internacional dos museos
“Museos nun mundo cambiante. Novos retos, novas inspiracións”


16 de maio : concertos didácticos a cargo de Lois Mouriño
Hora: 10 e 11,30
Participantes: 100 alumnos de 5º e 6º de primaria do CPI Tomas de Lemos (Ribadavia)

                             

                     A través desta actividade o artesan e músico Lois Mouriño busca divulgar entre os rapaces a música tradicional galega. Realiza unha pequena explicación sobre os compoñentes e o proceso de construcción dos instrumentos tradicionais mais importantes, e exlica as diferencias entre a música folk e a tradicional. Tamén fala sobre os músicos e grupos representativos de este tipo de música como as pandereteiras, o gaiteiro solista, os cuartetos de gaitas, os requinteiros e as murgas.
Os instrumentos que inclúe nestes concertos didácticos son: voz, tamboril,  bombo, pandeireta, pandeiro, pandeira, conchas, tarrañolas, castañuelas, gaitas en diferentes tonalidades, requinta, pito galego, clarinete, acordeón, trompa e birimbao.

25 de maio: PERCUSONS: concertos didácticos da percusionista Lorena Negreira
Hora: 11
Participantes: 50 alumnos de primaria do CEIP Carmen García Carrasco (Cenlle)

                                    
                         
                     Con esta actividade musical de percusión se pretende afondar noas posibilidades do corpo como human como obxecto de percusión. A vida diaria está marcada por unha serie de ritmos ao noso alcance e co noso corpo podemos acompañar eses ritmos e mesmo cancións e así levaremos aos rapaces a diferenciar estilos como rock, pop, ritmos latinos, africanos, e música tradicional galega.
Para sensibilizar aos rapaces co cambio climático ensinaráselles a facer instrumentos de percusión con materiais de refugallo presentes en todos os fogares.
Se mostrarán así mesmo o diferentes tipos de instrumentos de percusión: caixa, djembé, maracas, triángulo, etc.
Por último farase unha performance na que participaran todos os alumnos como unha banda musical con interpretación de varias cancións.

NOTA DE PRENSA CONSELLERÍA DE CULTURA, EDUCACIÓN E ORDENACIÓN UNIVERSITARIA

NOTA DE PRENSA

lunes, 30 de abril de 2012

LAGARES RUPESTRES. Pegadas da historia vitivinícola en Galicia




                                     
Inauguración: 2 de maio ás 19 horas no Museo Etnolóxico
Datas: desde o 2 de maio ata o 2 de xuño
Esta exposición consta de dúas partes, unha primeira dedicada ao funcionamento e morfología dos lagares (a través de paneis) e unha segunda que fai un percorrido polos lagares de Galicia coa descrición e uso.

Invitación inauguración

jueves, 19 de abril de 2012

DÍA INTERNACIONAL DO LIBRO. Bookcrossing da Biblioteca do Museo Etnolóxico

                   
 O vindeiro luns 23 de abril celébrase o DIA INTERNACIONAL DO LIBRO, con motivo desta conmemoración un amplo grupo de 71 Bibliotecas de Museos de toda España teñen preparada unha liberación conxunta e masiva de libros (actuación coñecida internacionalmente como bookcrossing).
A biblioteca do Museo Etnolóxico, a través da iniciativa da súa bibliotecaria –Rosa Lamas-, únese a este particular evento e participa activamente con unha liberación de libros que terá lugar o venres 20 de abril; nesa data serán liberados 20 libros, a meirande parte catálogos editados polo museo, pero tamén libros doados por particulares para esta ocasión especial.
Na páxina de bookcrossing póden verse a hora e o lugar onde serán liberados ao público estes libros (nas localidades de Ribadavia, O Carballiño, Ourense, Pontevedra, Vigo e incluso Porto).
Así mesmo, a partires do 20 de abril o Etnolóxico continuará con esta interesante acción e as salas do museo converteranse en zonas tanto de liberación como de caza de libros.
Polo tanto, desde este venres a biblioteca do museo realiza a súa particular contribución a esta celebración, á que animamos a participar a todos os lectores e usuarios de bibliotecas.

jueves, 8 de marzo de 2012

AUSENCIAS E SILENCIOS. EXPOSICIÓN ON LINE NA QUE PARTICIPA O MUSEO ETNOLÓXICO.


Con motivo do Día Internacional da Muller, a Rede Dixital de Coleccións de Museos de España, Cer.es, presenta o catálogo temático Ausencias e Silencios, formando parte da iniciativa Patrimonio en Femenino, creada no ano 2011 co obxectivo de dar visibilidade ao papel das mulleres en diferentes culturas, civilizacións e períodos históricos.
A través de Ausencias e Silencios, se indaga naqueles ámbitos nos que a actividade feminina estivo ausente ou foi silenciada.
Nesta exposición on line móstranse 65 bens culturais achegados por 26 museos que forman parte da Rede Dixital de Coleccións de Museos de España, e sobre ela elaborouse un catálogo articulado entorno a cinco áreas temáticas: autoridade e poder; educación e ciencia; creación e espectáculo; traballo e labor; e dereitos e igualdade.
O Museo Etnolóxico participa en Ausencias e Silencios con tres fotografías dos seus fondos, unha delas na área de Ciencia e educación, outra na área de Creación e espectáculo e unha máis en Traballo e labor.


Para ter máis información das fotografías do Etnolóxico na exposición entre nas seccións e faga click enriba das fotos
CATÁLOGO COMPLETO DA EXPOSICIÓN
SECCIÓN CIENCIA E EDUCACIÓN
SECCIÓN CREACIÓN E ESPECTÁCULO
SECCIÓN TRABALLO E LABOR