jueves, 20 de abril de 2017

Actividades venres 21 de abril


libros preparados para a liberación
Venres 21 abril de mañá: liberación de libro
Por quinto ano consecutivo a Biblioteca do Museo Etnolóxico participa na liberación conxunta de libros xunto a 59 bibliotecas de museos e centros de arte de toda España, para celebrar o Día Internacional do Libro (23 de abril).
Este ano 2017 a liberación será o venres 21 pola mañá da mañá por calquera lugar público da Comarca do Ribeiro e na cidade de Ourense e alrededores, deixaranse libres dez libros de temática variada: contos infantís, o novo catálogo do Museo sobre tonelería, unha guía de museos de Galicia, unha novela sobre as Touza, un libro sobre vitivinicultura, un catálogo dunha exposición de fotografía... e máis.

Pódense consultar todos os títulos, os lugares e as horas de liberación na páxina de bookcrossing do Museo Etnolóxico AQUÍ.





Venres 21 de abril 20.00 h: conversa con Oria Ferreiro Diz
"Minería aurífera en época romana na comarca do Carballiño"
 
Puzo do Lago (Maside)
 Oria Ferrerio é licenciada en Historia pola Universidade de Santiago de Compostela e máster en Arqueoloxía e Ciencias da Antigüidade pola mesma universidade, participou na escavación de diversos xacementos arqueolóxicos tanto en España -Castro de Santa Lucía (Astariz), Abric Pizarro (Áger, Lleida)-, como en Italia (Cuma, Nápoles).

A zona do Carballiño é unha das de maior potencial aurífero de Galiza. Non obstante, non existen traballos que aborden o estudo de xacementos como os de Daviña (Boborás), Puzo do Lago (Maside) ou As Grobas (O Irixo) desde unha perspectiva arqueolóxica, a pesares de presentaren sinais de aproveitamento en época romana.

martes, 18 de abril de 2017

Presentación do libro: "Bernardino Graña Refojos. Crónicas de Cangas (1930-1933) e mestre en Ribadavia e Cangas"





Mécores 19 de abril ás 20:00 h: Presentación do libro: «Bernardino Graña Refojos. Crónicas de Cangas (1930-1933) e mestre en Ribadavia e Cangas» coordinado por Tonino Graña, Iago Santos Castroviejo e Amalia Soage Molanes.
Publicación adicada ao mestre humanista e xornalista don Bernardino Graña Refojos, que exerceu a docencia en Ribadavia, no Colexio Akademos, e en Cangas, na Academia Morrazo.
Na presentación participarán Juan Bande Alonso, Xesús Alonso Montero e Iago Santos Castroviejo.
 
 
 
 
 
A obra «Bernardino Graña Refojos. Crónicas de Cangas (1930-1933) e mestre en Ribadavia e Cangas», coordinada por Tonino Graña, Iago Santos e Amalia Soage, estrutúrase en tres partes, a primeira adicada á colaboración de Bernardino Graña no xornal El Pueblo Gallego (1930-1933), segue unha autobiografía do mestre e, finalmente, o terceiro capítulo contén escritos de alumnos seus no Colexio Akademos de Ribadavia e na Academia Morrazo de Cangas. O libro complétase cunha presentación de Antonio Graña Graña e coa lembranza de don Bernardino Graña Refojos feita por Xesús Alonso Montero.
 




Esta fotografía do fondo Familia García Docampo conservada no Museo Etnolóxico é testemuño da labor docente na vila de Ribadavia de Bernardino Graña, aparece no centro rodeado polo alumnado do Colexio Akademos diante da igrexa da Virxe da Oliveira no ano 1943. Á dereita, con gravata, Benito Aquilino, tamén profesor na escola.

martes, 4 de abril de 2017

Programación Museo Etnolóxico abril 2017


Xoves 06/04/2017
     
      20:00 h: presentación e conversa sobre o libro «Tufelicidad no está en tierra hostil» co seu autor José Mejuto.
Co obxectivo de encontrar o mellor dun mesmo para sacalo á luz, o coach e autor do libro José Mejuto proporá aos asistentes un sistema fundamentado na súa propia experiencia vital, que vai dende o budismo ao teatro, para ver o mundo dende outro prisma.
Acto da concellería de Benestar Social, Sanidade e Participación Cidadá (Igualdade e Muller) do Concello de Ribadavia.



Mércores 19/04/2017
20:00 h: Presentación do libro: «Bernardino Graña Refojos. Crónicas de Cangas e mestre en Ribadavia e Cangas» coordinado por Iago Santos Castroviejo.
Publicación adicada ao mestre humanista e xornalista don Bernardino Graña Refojos, que exerceu a docencia en Ribadavia, no Colexio Akademus, e en Cangas, na Academia Morrazo.
Na presentación participarán Juan Bande Alonso, Xesús Alonso Montero e Iago Santos Castroviejo.

 Venres 21/04/2017
12:00 h: celebración do «Día Internacional do Libro» (23 abril) o venres 21 de abril haberá unha liberación de libros xunto con 48 bibliotecas de museos de todo o estado español, iniciativa organizada desde hai oito anos pola Biblioteca-Centro de Documentación ARTIUM de Vitoria. 
A Biblioteca do Museo liberará libros centrándose no rural da comarca do Ribeiro e na cidade de Ourense sempre co obxectivo de que a xente que encontre estes libros libres goce con eles e despois os volva deixar en calquera sitio público para que outra persoa poida desfrutar tamén con eles.


Venres 21/04/2017
20:00 h: conversa no Museo Etnolóxico «Minería aurífera en época romana na comarca do Carballiño» con Oria Ferreiro Diz.
A zona do Carballiño é unha das de maior potencial aurífero de Galiza. Non obstante, non existen traballos que aborden o estudo de xacementos como os de Daviña (Boborás), Puzo do Lago (Maside) ou As Grobas (O Irixo) desde unha perspectiva arqueolóxica, a pesares de presentaren sinais de aproveitamento en época romana.
Licenciada en Historia pola USC e máster en Arqueoloxía e Ciencias da Antigüidade pola mesma universidade, participou na escavación de diversos xacementos arqueolóxicos tanto en España -Castro de Santa Lucía (Astariz), Abric Pizarro (Áger, Lleida)-, como en Italia (Cuma, Nápoles).

Xoves 27/04/2017
20:00 h: conversa no Museo Etnolóxico «A posguerra no Ribeiro» con Anxo Collarte
Introducción á vida cotiá no Ribeiro dos anos corenta e primeira metado dos cincuenta, con especial atención no eido das condicións de vida e de traballo neses duros anos.
Anxo Collarte é licenciado en Historia e profesor de Ensino Secundario.