martes, 15 de septiembre de 2015

ACTIVIDADES SETEMBRO 2015

A segunda quincena do mes de setembro as actividades do Museo Etnolóxico moveranse entre historias e memorias: as de Lola Touza "salvadora" de xudeos e as das mulleres da "Sección Femenina", historias que forman parte da memoria de Galicia.


18 de setembro: 20.30 h.
Presentación polo autor da novela Lola Touza. La Schindler gallega,  editada por ToxoSoutos.
Vicente Piñeiro González, autor da novela, ten publicados libros de teatro, poesía e novela tanto en galego como en castelán; entre outros premios gañou o Pedrón de Ouro en 2005 e o VII Premio El Espectáculo Teatral de Ediciones Irreverentes en 2013.
Nesta novela, como di o editor “pon a súa escritura e as pasións de papel” para relatar a historia de Lola Touza, que rexentaba un quiosco na estación de Ribadavia e entre 1941 e 1945 decidiu axudar a fuxir a máis de 500 xudeos dunha morte segura a mans dos nazis. Lola  e as súas irmás, Amparo e Julia, colaboraron cunha das redes clandestinas de fuxida de xudeos máis importante de Europa, que empezaba nos Pirineos por Girona, facía escala en Medina del Campo e chegaba ata Ribadavia, onde as irmás Touza arriscaban as súas vidas para atendelos e facilitarlles o paso a Portugal coa axuda doutros veciños da comarca: o taxista José Rocha, o barqueiro Ramón Estévez e o intérprete Ricardo Pérez, coñecido como “El Evangelista”. 
 Entrevista a Vicente Piñeiro sobre a súa novela no programa A tarde da Radio Galega 21-08-2015 AQUÍ 

25 de setembro: 20.30 h.
Conferencia Mulleres para España. A «Sección Femenina» de Falanxe impartida pola historiadora Ana Cebreiros.
Ana Cebreiros Iglesias é Licenciada en Historia pola Universidade de Vigo, a súa investigación céntrase no papel desempeñado pola «Sección Femenina» en Galicia e as súas repercusións no ámbito da muller.
En 1939 Franco cédelle á «Sección Femenina» a formación política e social das españolas e convértese en parte do aparato político-administrativo do réxime. A organización xoga un papel importante nas políticas desenvolvidas desde eses intres en relación coa muller, sendo variados os seus ámbitos de actuación. O «Servicio Social», o ámbito educativo, as divulgadoras sociais, as cátedras ambulantes, o deporte e o baile, etc foron algunhas das parcelas ás que se dedicaron. Todas estas actuacións estiveron asociadas á defensa dun modelo feminino que tiña como base os seus deberes de nai e esposa así como o coidado do fogar, e que estaba intimamente ligado ao papel que o franquismo lle outorgou á muller dentro da sociedade española da época.

Folleto das actividades:


4 comentarios:

  1. A nuestro grupo nos parece muy interesante esta entrada sobre la historia de Lola Touza, historia que se relata en la novela Lola Touza. La Schindler gallega. Creemos que se debería hablar más o dar a conocer novelas que hablen sobre mujeres luchadoras que han existido a lo largo de los tiempos. Muchas gracias por la visita, hemos disfrutado mucho de la exposición.

    ResponderEliminar
  2. Inés moitas grazas a ti por participar neste blogue co teu comentario.

    ResponderEliminar
  3. Nos resultó una visita muy productiva y nos parece muy interesante y necesario que exista un museo de este tipo para complementar la oferta de un destino tan atractivo como es el de Ribadavia. Poder descubrir la vida y costumbres de los habitantes de la región a través del amplio fondo documental con el que cuentan es un privilegio para todos los que acudimos a él y el hecho de poder acudir libremente a su biblioteca para consultar y trabajar con los libros recogidos en ella, es algo que lo hace aún más atractivo.
    Emilia Buiturón, Roberto Prada y Marcia Varela.

    ResponderEliminar
  4. Emilia Buiturón, Roberto Prada y Marcia Varela moitas grazas pola vosa análise sobre o Museo Etnolóxico e sobre a vosa visita, aquí vos esperamos para próximas visitas. Saúdos

    ResponderEliminar